***
मागील काही वर्षापासून हे पाहुणे ( "गोगलगाय आणि पोटात पाय" वाली गोगलगाय ) आमच्याकडे रात्री हटकून येतात,
आधी पाय पडणार म्हणून थोडा त्रागा व्हायचा खरा पन आता नाही तसे वाटत , रस्त्यात दिसले की आपोआपच वाकून बाजूला उचलून ठेवतांना आता त्रागा नाही होत , एवढेच काय बरेचदा येणार जाणा-यांना खाली गोगलगाय असल्याने जपून चालण्याची तंबी आईकडून नेहमीच मिळते .....
जणू घरचेच सदस्य झालेत हे !
***
***
दिवसभर कुठे जाऊन दडतात कुणास ठाऊक पण रात्र व्हायला आली की कुठून कुठून सारे पायरी बाजूला जमा होतात तिथे काऊसाठी, कुत्र्यासाठी ठेवलेल्या अन्नातील उरलेले अन्न गट्ट करण्यासाठी यांची लगबग असते.
.
.
कधी कधी अक्षरशः "दहीहांडी " सारखे एकावर एक दाटीने उभे होऊन खालिल अन्न खातात .
***
***
आधी उरलेलेच अन्न यांना मिळायचे पण आता आई कापलेले भाजीपाल्यांचे तुकडे, खरकटे, इतर अन्न यांना टाकते, तरीही यांच्या वाढत्या लोकसंख्येत ते अन्न थोड्यात वेळात खतम होते .
.
.
.
हा फोटो काढला तेव्हा ८-९ स्क्वे.फुट मध्ये यांची संख्या १३० च्या जवळपास असणार, याशिवाय आवारातच इकडेतिकडे यांची गटा - गटाने जमलेली संख्या वेगळीच !
***
.jpg)
***
.jpg)
***
.jpg)
***
.jpg)
आई ... मला पाठगुली घे ना ! - असे बहुदा म्हणत असावा हा गोगल बच्चा !
***
